أجي تفهم مجال العملات الرقمية بالعامية المغربية!

هذه التدوينة مأخودة من الحساب الشخصي على الفيسبوك "بتصرف بسيط جدا" للمتداول يوسف بلفقير (Youssef Belfakirوبتوافق معه وأغلبها مكتوبة باللغة العربية والعامية المغربية معا، وذلك لتبسيط وشرح هذا المجال للعموم من المغاربة خاصة، والعالم العربي بشكل عام.
أجي تفهم مجال العملات الرقمية بالعامية المغربية!

شحال من شخص كيتواصل معايا وكيسول على المجال وكيطرح أسئلة من قبيل :

  1. * أشناهو المجال لي كتشتاغل فيه...؟
  2. * واش كتخدم ف التسويق الشبكي...؟
  3. * منين نبدا هاد المجال...؟
  4. * واش هاد المجال قانوني ...؟
  5. * واش هاد المجال فيه الصرف ....؟

 * أشناهو المجال لي كتشتاغل فيه...؟

- هاد المجال نقدرو نعتابروه تجاوزا فرع من فروع الأسواق المالية، كما كاين سوق السلع، سوق الأسهم، سوق السندات، سوق العملات التقليدية ( الفوركس )، كاين سوق العملات الرقمية .....سوق كضم المئات من المنصات الخاصة بالتداول ( البيع والشراء ) ....سوق كضم الاالاف من العملات والسندات الرقمية، وعلى رأسها عملة البتكوين ( Bitcoin - BTC ).

* واش كتخدم ف التسويق الشبكي...؟

ماشي تسويق شبكي، سوق كتعتامد على الدراسة، والبحث، والتحليل، والتموقع ف الزمان والمكان المناسب، أيضا إختراق المجتمعات الخاصة بالمتداولين ........سوق خاصك تقرا وتدمر باش توصل لمستوى إخليك تحاكي المسارات السعرية لمختلف العملات، وتعرف من أين تأكل أكتافها ....ورأس الأمر كله، معرفة وقتاش تشري، و وقتاش تبيع ....سوق الوصول فيها للمعلومة، كتخليك تعرف الاتجاه العام فين غادي ....سوق دراسة التاريخ ديال العملات لي كتنتامي ليه كتخليك، تعرف الحاضر ديال هاد العملات، والمستقبل السعري لي متوقع ليها .....

* واش هاد المجال فيه الصرف ....؟

المجال فيه إستفادة مادية، شريطة تدرس آليات التحليل، و آليات تدبير رأس المال، والتخصص ف عملات معينة، وتحديد العملات القوية لي ماضيعش ف رزقك مني تستثمر فيها ..... ( وهاد الفكرة مهمة، حيث الدراسة القبلية الخاصة بالعملة، هيا لي كتشكل فارق مهم ف اختيار العملة المناسبة، لي واخا تستثمر فيها مكضيعش ف رزقك، طلعات راك رابح، مطلعاتش معمرك متخسر .....)

كفاش الإنسان إبدا هاد المجال....؟

مني كيبغي الانسان إبدا، من وجهة نظري الشخصية، كاين جوج نوعيات من المتداولين:
  • النوع الأول: كيكون معندوش فلوس باش إستثمر، مثلا الفلوس لي إقدر إدبر عليهم بين 50$ و 250$ ، هاد النوع خاصو إبدا بالقراية، على الاقل إقرا شوية على التحاليل، ويعرف فيمتا إتداول، والعملات لي كتصلح للتداول اليومي ( السكالبين ) بمعنى إتمكن ويبدا إتداول بمبلغ صغير مع استحضار مدارس تدبير رأس المال، حتى إضاعف رأس المال، وف خطين متوازيين، الخط الاول فيه التداول، والخط الثاني هو لي كيستثمر فيه أرباح الخط الاول ف العملات لي كتبان ليه تصلح للتخزين وهكذا ..........

  • النوع الثاني : عندو الفلوس، ومافيه ميفرع راسو ب التحليلات، بحال هاد النوع كيشوف عملات قوية، في مرحلة التشبع البيعي، كيستثمر فيهم، وكيخليهم، و ف نفس الوقت كيراقبهم، حتى كيضاعف السعر ديالهم، وكيبيعهم، كيخرج رأس المال لي دخل بيه، وكيبقا الرباح عاس بيه على شي عملة قوية كيستثمر فيها وهكذا ....

* واش هاد المجال قانوني ...؟

بالنسبة للجانب القانوني، التداول بحد ذاتو مجال منظم عالميا وغير مجرم، لي مجرم ف المنتوجات والعملات كاملة ماشي غير العملات الرقمية هو ( الاستعمالات الغير مشروعة أو غير قانونية، كتبيض الاموال.....) وبالنسبة للمغرب حاليا المجال مكينش قانون كينظموا، والأصل ف الأمور الإباحة مالم يرد نص يجرم أو يمنع من التعامل والاتجار بالعملات الرقمية .....والقاعدة العامة بالقانون الجنائي ( أنه لا جريمة ولا عقوبة إلا بنص ) والقاعدة الخاصة بقانون المسطرة الجنائية ( لا إعتقال ، ولا متابعة ، ولا محاكمة إلا بنص ).
إقرأ أيضا: شرح التسجيل  والبدء مع اكبر منصة  لتداول العملات الرقمية 
على العموم المجال فيه مايدار، فقط العمل بالأسباب والتوكل على مسبب الأسباب ..... 
الفارمكون
كاتب المقالة
، متداول محترف في مجال العملات الرقمية، ومهتم بكل ماله علاقة بتقنية البلوكتشين وملحقاته،حاليا أنا عضو ومدون في ، مدونة العملات الرقمية .

جديد قسم : مقالات يوسف بلفقير

إرسال تعليق

Home
Home
Home